M A N U L O G U E S

പ്രതീകാത്മകത്വം  പ്രതീകം, അടയാളം അഥവാ ചിഹ്നം  ഒരു ആശയം, വിഷയം അഥവാ ഒരു ബന്ധത്തെ പ്രതിനിധീകരിക്കുന്നതായി സൂചിപ്പിക്കുന്ന, ഗൗരവപ്പെടുത്തുന്ന അല്ലെങ്കിൽ മനസ്സിലാക്കുന്ന ഒരു അടയാളം, രൂപം അഥവാ ഒരു പദം ആണ് ചിഹ്നം. വളരെ വ്യത്യസ്തമായ ആശയങ്ങളും അനുഭവങ്ങളും തമ്മിൽ ബന്ധിപ്പിക്കുന്നതിലൂടെ, അറിയപ്പെടുന്നതോ കാണുന്നതോ ആയതിനപ്പുറം ആശയങ്ങളുമായി സംവദിക്കാൻ ചിഹ്നങ്ങൾ ആളുകളെ അനുവദിക്കുന്നു. ഏതാണ്ട് എല്ലാ ആശയവിനിമയങ്ങളും വിവരപരിണാമക്രമങ്ങളും നടക്കുന്നത് ചിഹ്നങ്ങളുടെ ഉപയോഗത്തിലൂടെയാണ്.‌ വാക്കുകൾ‌, ശബ്‌ദങ്ങൾ‌, ആംഗ്യങ്ങൾ‌, ആശയങ്ങൾ‌ അല്ലെങ്കിൽ‌ ദൃശ്യമായ പ്രതിബിംബങ്ങൾ ‌എന്നിവയുടെ രൂപമെടുത്താണ് ചിഹ്നങ്ങളാൽ മറ്റ് ആശയങ്ങളും വിശ്വാസങ്ങളും അറിയിക്കാൻ അവയെ ഉപയോഗിക്കുന്നത്.  ചിഹ്നങ്ങളെ ആസ്പദമാക്കിയുള്ള സർവകലാശാലാ പഠനത്തെ ചിഹ്നശാസ്ത്രം എന്ന് വിളിക്കുന്നു. സംജ്ഞാശാസ്ത്രം, ബിംബശാസ്ത്രം എന്നീ വിഷയങ്ങളും  ചിഹ്നശാസ്ത്രവുമായി അഭേദ്യമായ ബന്ധം പുലർത്തുന്നു.  എന്തിന്റെയെങ്കിലും “ബാഹ്യ രൂപം” അഥവാ "മറ്റെന്തെങ്കിലും സൂചിപ്പിക്കുന്ന ഒന്ന്" എന്നൊരു സാമാന്യ അർത്ഥം ചിഹ്നം അല്ലെങ്കിൽ അടയാളം എന്ന വാക്കിന് കൊ...

സംസ്കൃതം |  ഭാഷയും സംസ്കാരവും  ശ്രാവണപൂർണിമ യുടെ കൗതുകകരമായ മഹത്വങ്ങൾക്കിടക്ക് അക്ഷരഭാഷയായ സംസ്കൃതത്തെ കുറിച്ചും നമുക്കൊന്ന് അവലോകനം ചെയ്യാം.  സംസ്‌കൃത ഭാരതി എന്ന് പേരുള്ള ലാഭേച്ഛ ഇല്ലാതെ പ്രവർത്തിക്കുന്ന ഒരു സംഘടനയാണ് ഈ ദിവസം വർഷം തോറും ലോക സംസ്‌കൃത ദിനം ആചരിക്കുന്നതിന്റെ ചുക്കാൻ പിടിക്കുന്നത്. ഈ പ്രസ്ഥാനത്തിന്റെ ആസ്ഥാനം ന്യൂ ഡൽഹിയാണ്. അമേരിക്കയിൽ ഒരു ശാഖയുണ്ട്, കാലിഫോർണിയയിലെ സാൻജോസിൽ. ഇവരുടെ ഒരു അന്തർദേശീയ കേന്ദ്രം “അക്ഷരം" എന്ന പേരിൽ ബാംഗ്ളൂരിൽ പ്രവർത്തിക്കുന്നുണ്ട്. അവിടെ ഒരു ഗവേഷണ കേന്ദ്രം, ഒരു ലൈബ്രറി, പ്രസാധക ശാഖ, ഒരു ദൃശ്യ-ശ്രവ്യ ഭാഷാ പഠനഗവേഷണശാല എന്നിവയെല്ലാം സ്ഥിതി ചെയ്യുന്നു.  ശ്രാവണവും പൂർണിമയും  ആദ്യമായി ശ്രാവണപൂർണിമയുടെ പ്രാധാന്യം നോക്കാം.  ഹിന്ദു കലണ്ടറിലെ ശുഭദിനമായ ശ്രാവൺ മാസത്തിലെ  പൗർണ്ണമി ദിനമാണ് ശ്രാവൺ പൂർണിമ. 2021 ൽ ഇത് ഓഗസ്റ്റ് 22 ഞായറാഴ്ച ആണ്. പ്രസിദ്ധമായ രക്ഷാബന്ധൻ ഉത്സവം ഈ ദിവസം ആഘോഷിക്കപ്പെടുന്നു. അതിനാൽ ഇത് രാഖി പൂർണിമ എന്നും അറിയപ്പെടുന്നു. രാഖി ആഘോഷത്തിന് പുറമെ നിരവധി ആത്മീയ പ്രവർത്തനങ്ങളും ആചാരങ്ങളും ശ്രാവൺ പൂർണിമയ...

തപസ്സ്—ശ്രമവും ശ്രമഫലവും  Picture curtesy- Sadguru @ Isha ഗുരു സീരീസിൽ മൂന്നാമത്തെ അധ്യായം എഴുതുമ്പോൾ എന്റെ പ്രിയ സുഹൃത്ത് അനീഷ് ആണ്: ഗുരു-ശിഷ്യ ബന്ധത്തിൽ തപസ്സ് എന്നൊരു പ്രധാന ഘടകത്തെക്കുറിച്ച് മനസ്സിലാക്കണം എന്നൊരു നിർദ്ദേശം അവതരിപ്പിച്ചത്. അദ്ദേഹം ആ വിഷയത്തെ എടുത്തുപറഞ്ഞത് എന്തുകൊണ്ടെന്നാൽ സാധാരണ വിശ്വാസികൾക്കിടയിൽ “തപസ്സ്" എന്ന വാക്കിന്  അഥവാ വിഷയത്തിന് ഒരുതരം അമാനുഷികമാനം കൊടുക്കപ്പെട്ടിട്ടുണ്ടോ എന്നൊരു ചിന്തയാണ് കാരണം.  നമ്മളെല്ലാം പല പുരാണകഥകളിലും കാണുന്നൊരു രംഗമാണ് “ഘോരതപസ്സ്". ഭക്തരായ സുരന്മാരും അസുരന്മാരും ആയിട്ടുള്ളവർ അവരവരുടെ ഇഷ്ടദേവതകളെ തപസുചെയ്ത് പ്രസാദിപ്പിച്ച് അവരെ തന്റെ മുന്നിൽ പ്രത്യക്ഷപ്പെടുത്തി തങ്ങൾക്ക് ആവശ്യമുള്ള വരം ആവശ്യപ്പെടുന്ന അനവധി കഥകൾ നമുക്ക് പരിചിതമാണ്. അത്തരം ഘോരതപസ്സുകൾ എല്ലാംതന്നെ മുമ്പുപറഞ്ഞ അമാനുഷിക തലങ്ങളിലാണ് അവസാനിച്ചിരുന്നത്. തങ്ങളുടെ താപസശിഷ്യരുടെ ഏതു വരങ്ങളെയും അനുവദിച്ചുകൊടുക്കേണ്ട സ്ഥിതിയിൽ ആണ് ഏതാണ്ട് എല്ലാ ഇഷ്ടദൈവങ്ങളും ചെന്നുപെട്ടത് എന്ന് നമുക്ക് വായിച്ചെടുക്കാം.  ഈ ഒരു ബ്ലോഗിൽ ചിന്തിച്ചെടുക്കാവുന്നൊരു ചെറിയ കാര്യമല്ല തപ...