കവിത | അഷ്‌ടൈശ്വര്യസിദ്ധിപ്രദാ പരമേശ്വരീ

-

കവിത |  അഷ്‌ടൈശ്വര്യസിദ്ധിപ്രദാ പരമേശ്വരീ 


പ്രപഞ്ചസർവ്വസ്സ്വം സ്വപ്രവാഹം 

പ്രഭാവതിയരുളും പ്രഭാപൂരം 

അണിമാദ്യഷ്‌ടൈശ്വര്യസിദ്ധിപ്രദം 

പ്രസിദ്ധപരമേശ്വരീപദാത്മകം


അണുത്വം വിളംബരം ചെയ്യുമിഹ 

അണിമ സിദ്ധിയോ തന്മാത്രാത്മകം 

മനമാകും കരിമ്പിൻ വില്ലിനെ 

കാരിരുമ്പാക്കിത്തൊടുക്കാം സായകം


മഹേശി തന്നുടെ മഹിമതത്വം 

സർവ്വമഹതീമാനദണ്ഡകം 

ക്ഷമാമൂർത്തി മഹീദേവി തൻ 

ഷഡൈശ്വര്യ വരദാത്മകം പുണ്യം 


ഒരു തൂവലിൻ ഭാവം കൈവരും   

ലഘിമയെന്നൊരു സിദ്ധി നേടുകിൽ 

ഭാരമതിലഘുവായ്ത്തീർന്നിഹ   

സ്വച്ഛന്ദമായ് വിഹരിക്കാമൊരു പറവ പോലെ  


ഗരിമയേറുന്ന സിദ്ധിഗംഭീരം 

സൃഷ്ടിസ്ഥിതിസംഹാരപർവ്വം 

പിഴകൂടാതെ നടത്തുന്ന ദേവീ 

പ്രഗൽഭം മനസി വാണിടേണം 


ഈശിത്വഭാവമുൾക്കൊണ്ടിടും അന്തഃ 

കരണോപാധിയാം ജീവൻ പോൽ 

പ്രപഞ്ചോപാധിയാം ചൈതന്യം തവ 

സ്വരൂപപ്രഭയാക്കും പരമേശ്വരീ  


സൃഷ്ട്യാരംഭം ഇച്ഛാശക്തിപ്രദം 

ജിതേന്ദ്രിയം സ്ഥിതഃ വശിത്വാത്മകം 

ജ്ഞാനശക്തിയുക്തം കർമ്മപ്രേരകം 

സ്പന്ദാദി ക്രമം ക്രിയാശക്തിപ്രദം 


പുണ്യാപുണ്യഫലപ്രദം കർമ്മ-

ഫലവൈരാഗ്യപ്രാപ്‌തികരം ദേവീ 

സങ്കല്പമാത്രസാക്ഷാത്കാരമൂർത്തി 

പരിപൂർണ്ണകാമപൂരകം ദിവ്യം 


ശ്രീകണ്ഠാർദ്ധ ശരീരം ജ്വലിക്കും  

തവൈശ്വര്യപ്രഭാദീപ്തിയാൽ 

പ്രാകാമ്യസിദ്ധിയേകുമരുണിമയുപാസേന 

ഉദ്യദ്‌ഭാനുസഹസ്രാഭ പോൽ 


ഇതി അഷ്‌ടൈശ്വര്യപ്രദം രൂപം 

ശ്രീചക്രപൂജാ പരിവാരയുക്തം 

പ്രഭാവതീ പ്രഭാരൂപം പ്രസിദ്ധം 

വന്ദേ നിത്യക്ലിന്നം പരമേശ്വരിം

Comments

  1. RAJAN V KOKKURI5 June 2021 at 03:56

    ദേവിയെ കുറിച്ചുള്ള കവിത നന്നായിട്ടുണ്ട്.
    from Rajan V Kokkuri
    Author.
    I Remain Forever Yours
    My Precious Dreams

    ReplyDelete
  2. MSSreekumar5 June 2021 at 07:04

    സുന്ദരം. കവി, കവിത പാരായണം ചെയ്യുമ്പോൾ എന്തൊരു effect ആണ്!

    ReplyDelete
  3. Unknown6 June 2021 at 04:01

    വളരേ ഗംഭീരമായിട്ടുണ്ട്. ലളിതംബികദേവി അനുഗ്രഹിക്കട്ടെ 🙏🙏🙏

    ReplyDelete

Post a Comment

Popular posts from this blog

ഗുരു സീരീസ് - 5 | ശാന്തി മന്ത്രങ്ങൾ

-
Image
ഓം  ശാന്തിഃ, ശാന്തിഃ, ശാന്തിഃ  || ഓം ശ്രീ ഗുരുഭ്യോ നമഃ ||  സമാധാനത്തിനുള്ള പ്രാർത്ഥനകളാണ് ശാന്തി മന്ത്രങ്ങൾ. ഹിന്ദുമതത്തിലെ മതപരമായ ചടങ്ങുകളുടെയോ ആചാരങ്ങളുടെയോ തുടക്കത്തിലും അവസാനത്തിലും അവ പലപ്പോഴും പാരായണം ചെയ്യപ്പെടുന്നു. ശാന്തിമന്ത്രങ്ങൾ ഉപനിഷത്തുക്കളിൽ അടങ്ങിയവയാണ്.    ശാന്തി മന്ത്രങ്ങൾ ശരിയായ വിധത്തിൽ ചൊല്ലുമ്പോൾ അവിടെ പാരായണം ചെയ്യുന്നയാളുടെ മനസ്സിനെയും ചുറ്റുമുള്ള പരിസ്ഥിതിയെയും അവയിൽ നിന്നുയരുന്ന അനുരണനങ്ങൾ ശാന്തമാക്കും. “ശാന്തി” എന്ന വാക്ക് മൂന്നു പ്രാവശ്യം ചൊല്ലുന്നതിലൂടെയാണ് അവ അവസാനിക്കുന്നത്.  തടസ്സങ്ങൾ പ്രതീകാത്മകമായി നീക്കുന്നതിനും മൂന്ന് യാഥാർത്ഥ്യങ്ങളെ ശാന്തമാക്കുന്നതിനും ശാന്തി എന്ന പദം മൂന്ന് തവണ പാരായണം ചെയ്യുന്നു: 1) ഭൗതിക ശാന്തി  2) ദിവ്യ ശാന്തി അഥവാ ദൈവിക ശാന്തി  3) ആന്തരിക ശാന്തി  “സമാധാനം” എന്നർത്ഥമുള്ള ശാന്തി എന്ന സംസ്കൃത പദവും; “പ്രാർത്ഥന” അല്ലെങ്കിൽ “സ്തുതിഗീതം” എന്നർത്ഥം വരുന്ന മന്ത്രവും ചേർന്നാണ് ശാന്തി മന്ത്രം ഉണ്ടായത്.  യോഗയിൽ, ഒരു ലളിതമായ “ഓം ശാന്തി” അല്ലെങ്കിൽ “ഓം ശാന്തി, ശാന്തി, ശാന്തി”...
Read more

ഭക്തി | നവഗ്രഹസ്തോത്രപഠനം

-
Image
ഓം ഗണേശ്വരായ നമഃ  നവഗ്രഹങ്ങൾ | NAVA GRAHAS ഒമ്പത് ജ്യോതിശാസ്ത്രമൂർത്തികൾ   നവഗ്രഹങ്ങൾ അഥവാ ഒമ്പത് ഗ്രഹങ്ങൾ ഭാരതീയ പുരാണത്തിലെ സുപ്രധാനമായ ഒരു സങ്കല്പമാണ്. ആളുകളുടെ ജീവിതത്തിൽ ജ്യോതിശാസ്ത്രപരമായി സ്വാധീനം ചെലുത്തുമെന്ന് വിശ്വസിക്കുന്ന ഈ ഗ്രഹങ്ങളെ ഒന്നിച്ച് അല്ലെങ്കിൽ വ്യക്തിഗതമായി വ്യത്യസ്‌ത ക്ഷേത്രങ്ങളിൽ ആരാധിക്കുന്നു.  പരമ്പരാഗതമായ പട്ടിക പിന്തുടരുമ്പോൾ നവഗ്രഹങ്ങൾ ഇപ്രകാരമാണ്:  രവി അഥവാ സൂര്യൻ, (Sun) സോമൻ അഥവാ ചന്ദ്രൻ, (Moon) കുജൻ അഥവാ ചൊവ്വ (മംഗള ഗ്രഹം), (Mars) ബുധൻ, (Mercury) ബൃഹസ്പതി അഥവാ വ്യാഴം (ഗുരു), (Jupiter) ശുക്രൻ, (Venus) ശനി, (Saturn) രാഹു, (Moon’s North node) കേതു. (Moon’s South node) ആഴ്ചയിലെ ഏഴു ദിവസവും ആദ്യത്തെ ഏഴു ഗ്രഹങ്ങളുടെ പേരുകളിൽ നിന്നാണ് ഉരുത്തിരിഞ്ഞത്. രാഹുവും കേതുവും ഗോളങ്ങളല്ല, മറിച്ച് ചന്ദ്രന്റെ ആരോഹണ, അവരോഹണ പർവ്വങ്ങളാണ് (ഇംഗ്ലീഷിൽ “നോഡ്സ്” എന്ന് പറയും). നവഗ്രഹസ്തോത്രം ഒമ്പത് ഗ്രഹങ്ങളുടെ സ്തുതിയാണ്. മറ്റൊരു വിധത്തിൽ പറഞ്ഞാൽ, ഗ്രഹങ്ങളെ പ്രീതിപ്പെടുത്താനും അവയെ ക്രിയാത്മകമായി സ്വാധീനിക്കാനും ഓരോ ഗ്രഹങ്ങളുടെയും മോശം ഫലങ്ങൾ കുറയ്ക്കാനും അ...
Read more

ഭക്തി | ശരീരങ്ങൾ മൂന്ന് - സ്ഥൂല-സൂക്ഷ്മ-കാരണ ഭാവങ്ങളിൽ

-
Image
Image Courtesy: Anne Baring ശരീരത്രയാനുശാസനം   അവിദ്യ അഥവാ അജ്ഞാനം എന്ന സങ്കല്പം അധികരിച്ച് ബ്രഹ്മം മനുഷ്യനിൽ മൂന്നു ശരീരമായി അധിവസിക്കുന്നു. സാധാരണയായി പഞ്ചകോശങ്ങൾ എന്ന ആവരണങ്ങളോടാണ് ശരീരങ്ങളെ താരതമ്യപ്പെടുത്തുന്നത്. യോഗശാസ്ത്രം, അദ്വൈതവേദാന്തം, തന്ത്രശാസ്ത്രം മുതലായ അനുശാസനങ്ങളുടെ ശ്രേണിയിൽ ഭാരതീയ തത്വചിന്തയിലും ഹിന്ദുമതത്തിലും വളരെ പ്രധാനപ്പെട്ടതാണ് ശരീരത്രയങ്ങൾ.  വേദാന്തത്തിലെ മൂന്ന് ശരീരങ്ങളുടെ സിദ്ധാന്തമനുസരിച്ച്, ഓരോ മനുഷ്യനും  സ്ഥൂല ( ഭൗതിക ) ശരീരം,  സൂക്ഷ്‌മ (നിഗൂഢ) ശരീരം,  കാരണ (ആകസ്മിക) ശരീരം  എന്നിങ്ങനെ മൂന്ന് സുപ്രധാന ശരീരങ്ങളുണ്ട്. ത്രിത്വത്തിന്റെ ഈ സിദ്ധാന്തം പുരാതന ഹിന്ദു തത്ത്വചിന്തയുടെ അനിവാര്യമായ ഒരു ആശയമാണ്, യോഗശാസനവും അഭ്യാസവും ആഴത്തിൽ മനസിലാക്കാൻ ഒരാൾ പ്രാവീണ്യം നേടേണ്ടതുണ്ട് എന്ന് പറയുന്നതിൽ ഈ സിദ്ധാന്തത്തിന്റെ ശേഷിപ്പുകളും കാണാം.  ശരീരത്രയങ്ങൾ യോഗശാസ്ത്രത്തിന്റെ ഒരു പ്രധാന ഭാഗമാണ്. ശരീരത്തിന്റെ സുപ്രധാന ഊർജ്ജത്തെ നിയന്ത്രിക്കുക, അതുവഴി സിദ്ധികൾ, മോക്ഷം എന്നിവ നേടാനാണ് യോഗ ലക്ഷ്യമിടുന്നത് എന്ന് പൊതുവെ പറയാം. മൂന്ന് ശരീരങ്ങൾ ...
Read more