ഗുരു സീരീസ് - 8 | ദിവ്യ ഗുരുനാഥ

ദിവ്യ ഗുരുനാഥ 

{ Sincere gratitude to my dear friend Prajesh for providing this divine opportunity to reflect on his English poem “The Divine Master” } 

സമർപ്പണം ::

സദ്ഗുരു മാതാ ശ്രീ അമൃതാനന്ദമയീ ദേവിയ്ക്ക്, അമ്മയുടെ തൃപ്പാദാരവിന്ദങ്ങളിൽ •••

സങ്കല്പം ::

ശ്രീലളിതാസഹസ്രനാമസ്തോത്രത്തിലെ 

19-ആം ശ്ലോകം-

|| നഖദീധിതിസംച്ഛന്നനമജ്ജനതമോഗുണാ

പദദ്വയപ്രഭാജാലപരാകൃതസരോരുഹാ ||

~~~~~~~~~~~~~~~~~~~~~

ദിവ്യ വിളംബരം - 

ഗുരു കൃപ മാത്രമെൻ അതുല്യ രക്ഷാകവചം 

അതെന്നമ്മതൻ പദദ്വയ ദിവ്യാത്മകമലം 

ദിവ്യരക്ഷിതാവേ - 

തിരുവെഴുത്തുകളിൻ പൊരുളെന്നിൽ മറഞ്ഞുനിൽപ്പൂ 

അലയുമിന്ദ്രിയങ്ങളെൻ മനസ്സിനെ തേടിനടപ്പൂ 

ദേഹി രോദനം -

ഇന്ദ്രിയാനന്ദഹേതു തേടിയകലും മനസ്സ് 

ഭൗതികനിബദ്ധമാം ചുഴി നിറഞ്ഞ നഭസ്സ് 

ദൈവകൃപയാൽ -

ശ്രദ്ധഹാനിചെയ്തിടും മോഹാഗ്നിയെ കെടുത്തിടും  

ഹൃദ്യമാം നിത്യജപത്തിൻ മാറ്റൊലി കൊണ്ടിടും 

ദിവ്യനാമം -

മാർഗ്ഗദർശമാർജ്ജിച്ചൊരെൻ നിർമ്മല ജീവഗതി

അനുഭൂതിവേദ്യമായ് നിൻ അമൃതനാമത്തേൻരുചി 

ദിവ്യജ്ഞാനമേ -

മിഥ്യാബോധമാം വന്മല താണ്ടിക്കടക്കുവാൻ 

ദാഹിച്ചിടുന്നെൻ ദേഹി നിൻ ഭക്ത്യാമൃതം  നുണയുവാൻ  

ദിവ്യദീപം - 

നേരറിവോരശനിപാതം പോൽ ഹുങ്കാരമായി ധ്വനിയ്ക്കവേ 

തർപ്പണം ചെയ്‌വാനെന്നുണ്മയും മുന്നൊരുക്കമാർന്നുടനേ 

ദിവ്യവചനം -

മൊഴിയുന്നിതല്ലോ മഹാത്മാക്കൾ സധൈര്യം 

ഒരേയൊരർഹതയോ വിശ്വാസമിതു നിർണ്ണയം 

ദിവ്യ കരുണ -

കൈവല്യമായ നിൻ കരുണയാൽ പദപ്രാപ്തി നേടിയടിയൻ 

ദ്രാഹിയാം മായാപഥം താണ്ടിടാനെൻ നാഥയോട് കേണിടുന്നിവൻ