കവിത | ആദിശങ്കരവന്ദനം

-


ആദിശങ്കരവന്ദനം 


ശങ്കരകൃതമാഖ്യാനമായപൊരുളിനോ-

ടൊക്കുമോയെൻ സങ്കരകൃതജല്പനം 

അദ്വൈതസാരാംശമുരചെയ്യും വരികളെ 

ഉപമയ്ക്കുതകുമോയെൻ ജപമാലമുത്തുകൾ 


ആദിപ്പതക്കം സ്വനാമത്തിലാദ്യമായ് 

ആചാര്യപ്പട്ടമോ നാമത്തിനന്ത്യമായ്‌ 

വേദാന്തശാസ്ത്രവിധിയാം നിർഝരി 

ധാരയായൊഴുകി കാലടി സ്വദേശമതിൽ 


ആത്മനും നിർഗുണബ്രഹ്മനും ആവിർ-

ഭവിച്ച ദൈവീകബോധമൗക്തികത്തിൽ

ബ്രഹ്മസൂത്രവും ദശമുഖ്യാഗമങ്ങളും 

ശങ്കരാഖ്യാനമായ് സ്വോത്‌കര്‍ഷമേകി 


ഐശ്വര്യദായകനാമമേകിയച്ഛനും 

പിതാന്ത്യേയുപനയനം നൽകിയമ്മയും  

ഗുരുശോഭയേകി ഗോവിന്ദ ഭഗവദ്‌പാദരും 

ഹൈന്ദവോത്ഥാനരഥമായ് ശ്രീശങ്കരർ 


മുതലതൻ വായിലെ സ്വപാദമുക്തിക്കു-

പകരമായ് സന്യാസം യാചിച്ച മാത്രയിൽ 

ശിവതാരകാംബയരുളിയൊരു വരവുമായ്  

വീടുവിട്ടിറങ്ങിയാ ജ്ഞാനദാഹിബാലനും 


സിദ്ധാന്തസംവാദഭാവമുൾക്കൊണ്ടിടും 

സാധുജീവനപ്രയാഗചരിത്രം പുണ്യമാം 

ശാസ്ത്രാർത്ഥങ്ങളും തീർത്ഥാടനങ്ങളും 

സാന്ദ്രമായുള്ളൊരാ ജീവചൈതന്യവും 


ദ്വാരകാതീർത്ഥ കാഞ്ചീശൃംഗേരി 

മഠങ്ങളനുവർത്തിക്കുമിപ്പോഴും 

പുരാവൃത്തസംഹിത ശങ്കരകൃതം 

നവഭാരതചിന്താധാരകൾക്ക് മൂലം 


വൈഷ്ണവരൂപവും ശൈവചൈതന്യവും 

ആദിപരാശക്തിതൻ അദ്വൈതഭാവവും 

പഞ്ചയത്നോപാസന രചിച്ച മഹാചാര്യർ  

കേദാരനാഥനിൽ വിലയിച്ചൊരാത്മൻ 


Comments

  1. Unknown9 May 2021 at 07:46

    Manu super me also done one pilgrim today by your poem...thank you brother .you are blessings with all Guruparambhara .Adhi parasakthi is inside your heart ....so write more bhakthi poems ....for us....God Bless.

    ReplyDelete
  2. Unknown9 May 2021 at 07:53

    You described about sri acharyas childhood, character, birth place famous ,w,hat all he did. When the time come for to move from grasthasram, and more than who is sankaracharyar ,.. And this divine birth's end too ,you included in this small poem

    ReplyDelete
  3. Unknown9 May 2021 at 18:51

    വളരെ നന്നായിട്ടുണ്ട്. ഇനിയും തുടർന്ന് എഴുതുക. അടുത്ത തലമുറയ്ക്ക് പകർന്നു നൽകുക. അമ്മ അനുഗ്രഹിക്കട്ടെ 👏👏👏👍

    ReplyDelete
  4. Unknown16 May 2021 at 21:23

    കാവ്യാത്മകമായ രചനാ വൈഭവം
    ഗംഭീരം.

    ReplyDelete

Post a Comment

Popular posts from this blog

ഗുരു സീരീസ് - 5 | ശാന്തി മന്ത്രങ്ങൾ

-
Image
ഓം  ശാന്തിഃ, ശാന്തിഃ, ശാന്തിഃ  || ഓം ശ്രീ ഗുരുഭ്യോ നമഃ ||  സമാധാനത്തിനുള്ള പ്രാർത്ഥനകളാണ് ശാന്തി മന്ത്രങ്ങൾ. ഹിന്ദുമതത്തിലെ മതപരമായ ചടങ്ങുകളുടെയോ ആചാരങ്ങളുടെയോ തുടക്കത്തിലും അവസാനത്തിലും അവ പലപ്പോഴും പാരായണം ചെയ്യപ്പെടുന്നു. ശാന്തിമന്ത്രങ്ങൾ ഉപനിഷത്തുക്കളിൽ അടങ്ങിയവയാണ്.    ശാന്തി മന്ത്രങ്ങൾ ശരിയായ വിധത്തിൽ ചൊല്ലുമ്പോൾ അവിടെ പാരായണം ചെയ്യുന്നയാളുടെ മനസ്സിനെയും ചുറ്റുമുള്ള പരിസ്ഥിതിയെയും അവയിൽ നിന്നുയരുന്ന അനുരണനങ്ങൾ ശാന്തമാക്കും. “ശാന്തി” എന്ന വാക്ക് മൂന്നു പ്രാവശ്യം ചൊല്ലുന്നതിലൂടെയാണ് അവ അവസാനിക്കുന്നത്.  തടസ്സങ്ങൾ പ്രതീകാത്മകമായി നീക്കുന്നതിനും മൂന്ന് യാഥാർത്ഥ്യങ്ങളെ ശാന്തമാക്കുന്നതിനും ശാന്തി എന്ന പദം മൂന്ന് തവണ പാരായണം ചെയ്യുന്നു: 1) ഭൗതിക ശാന്തി  2) ദിവ്യ ശാന്തി അഥവാ ദൈവിക ശാന്തി  3) ആന്തരിക ശാന്തി  “സമാധാനം” എന്നർത്ഥമുള്ള ശാന്തി എന്ന സംസ്കൃത പദവും; “പ്രാർത്ഥന” അല്ലെങ്കിൽ “സ്തുതിഗീതം” എന്നർത്ഥം വരുന്ന മന്ത്രവും ചേർന്നാണ് ശാന്തി മന്ത്രം ഉണ്ടായത്.  യോഗയിൽ, ഒരു ലളിതമായ “ഓം ശാന്തി” അല്ലെങ്കിൽ “ഓം ശാന്തി, ശാന്തി, ശാന്തി” ഒരു അഭിവാദ്യം അല്ലെങ്കിൽ ശുഭാശംസയായി പാരായണം ചെയ്യാം. ഒപ്പം ശ്ര
Read more

ഗുരു സീരീസ് - 4 | തപസ്സ്

-
Image
തപസ്സ്—ശ്രമവും ശ്രമഫലവും  Picture curtesy- Sadguru @ Isha ഗുരു സീരീസിൽ മൂന്നാമത്തെ അധ്യായം എഴുതുമ്പോൾ എന്റെ പ്രിയ സുഹൃത്ത് അനീഷ് ആണ്: ഗുരു-ശിഷ്യ ബന്ധത്തിൽ തപസ്സ് എന്നൊരു പ്രധാന ഘടകത്തെക്കുറിച്ച് മനസ്സിലാക്കണം എന്നൊരു നിർദ്ദേശം അവതരിപ്പിച്ചത്. അദ്ദേഹം ആ വിഷയത്തെ എടുത്തുപറഞ്ഞത് എന്തുകൊണ്ടെന്നാൽ സാധാരണ വിശ്വാസികൾക്കിടയിൽ “തപസ്സ്" എന്ന വാക്കിന്  അഥവാ വിഷയത്തിന് ഒരുതരം അമാനുഷികമാനം കൊടുക്കപ്പെട്ടിട്ടുണ്ടോ എന്നൊരു ചിന്തയാണ് കാരണം.  നമ്മളെല്ലാം പല പുരാണകഥകളിലും കാണുന്നൊരു രംഗമാണ് “ഘോരതപസ്സ്". ഭക്തരായ സുരന്മാരും അസുരന്മാരും ആയിട്ടുള്ളവർ അവരവരുടെ ഇഷ്ടദേവതകളെ തപസുചെയ്ത് പ്രസാദിപ്പിച്ച് അവരെ തന്റെ മുന്നിൽ പ്രത്യക്ഷപ്പെടുത്തി തങ്ങൾക്ക് ആവശ്യമുള്ള വരം ആവശ്യപ്പെടുന്ന അനവധി കഥകൾ നമുക്ക് പരിചിതമാണ്. അത്തരം ഘോരതപസ്സുകൾ എല്ലാംതന്നെ മുമ്പുപറഞ്ഞ അമാനുഷിക തലങ്ങളിലാണ് അവസാനിച്ചിരുന്നത്. തങ്ങളുടെ താപസശിഷ്യരുടെ ഏതു വരങ്ങളെയും അനുവദിച്ചുകൊടുക്കേണ്ട സ്ഥിതിയിൽ ആണ് ഏതാണ്ട് എല്ലാ ഇഷ്ടദൈവങ്ങളും ചെന്നുപെട്ടത് എന്ന് നമുക്ക് വായിച്ചെടുക്കാം.  ഈ ഒരു ബ്ലോഗിൽ ചിന്തിച്ചെടുക്കാവുന്നൊരു ചെറിയ കാര്യമല്ല തപസ്സ്, എന്
Read more

ഭക്തി | നവഗ്രഹസ്തോത്രപഠനം

-
Image
ഓം ഗണേശ്വരായ നമഃ  നവഗ്രഹങ്ങൾ | NAVA GRAHAS ഒമ്പത് ജ്യോതിശാസ്ത്രമൂർത്തികൾ   നവഗ്രഹങ്ങൾ അഥവാ ഒമ്പത് ഗ്രഹങ്ങൾ ഭാരതീയ പുരാണത്തിലെ സുപ്രധാനമായ ഒരു സങ്കല്പമാണ്. ആളുകളുടെ ജീവിതത്തിൽ ജ്യോതിശാസ്ത്രപരമായി സ്വാധീനം ചെലുത്തുമെന്ന് വിശ്വസിക്കുന്ന ഈ ഗ്രഹങ്ങളെ ഒന്നിച്ച് അല്ലെങ്കിൽ വ്യക്തിഗതമായി വ്യത്യസ്‌ത ക്ഷേത്രങ്ങളിൽ ആരാധിക്കുന്നു.  പരമ്പരാഗതമായ പട്ടിക പിന്തുടരുമ്പോൾ നവഗ്രഹങ്ങൾ ഇപ്രകാരമാണ്:  രവി അഥവാ സൂര്യൻ, (Sun) സോമൻ അഥവാ ചന്ദ്രൻ, (Moon) കുജൻ അഥവാ ചൊവ്വ (മംഗള ഗ്രഹം), (Mars) ബുധൻ, (Mercury) ബൃഹസ്പതി അഥവാ വ്യാഴം (ഗുരു), (Jupiter) ശുക്രൻ, (Venus) ശനി, (Saturn) രാഹു, (Moon’s North node) കേതു. (Moon’s South node) ആഴ്ചയിലെ ഏഴു ദിവസവും ആദ്യത്തെ ഏഴു ഗ്രഹങ്ങളുടെ പേരുകളിൽ നിന്നാണ് ഉരുത്തിരിഞ്ഞത്. രാഹുവും കേതുവും ഗോളങ്ങളല്ല, മറിച്ച് ചന്ദ്രന്റെ ആരോഹണ, അവരോഹണ പർവ്വങ്ങളാണ് (ഇംഗ്ലീഷിൽ “നോഡ്സ്” എന്ന് പറയും). നവഗ്രഹസ്തോത്രം ഒമ്പത് ഗ്രഹങ്ങളുടെ സ്തുതിയാണ്. മറ്റൊരു വിധത്തിൽ പറഞ്ഞാൽ, ഗ്രഹങ്ങളെ പ്രീതിപ്പെടുത്താനും അവയെ ക്രിയാത്മകമായി സ്വാധീനിക്കാനും ഓരോ ഗ്രഹങ്ങളുടെയും മോശം ഫലങ്ങൾ കുറയ്ക്കാനും അവയെ ശാന്തമാക്കാനും സഹായം
Read more