കവിത | മുത്തുച്ചിപ്പി

-

മുത്തുച്ചിപ്പി 


ശ്യാമഗഗനവിതാനമായ് താരങ്ങളും 

വസന്തഭൂവാലങ്കാരമായ് പൂക്കളും 

അഗാധമായൊരാഴിതൻ നിഗൂഢഭാവമായ്  

പരമതത്വം പേറും ശുക്തിഗണങ്ങളും 


സ്വർഗ്ഗവീഥിയിൽ ദീപാലങ്കാരവും  

ഭൂവിണ്ണിൽ മേഘരാജിയും പോലവേ 

ലവണജലമഹാതടാകം തന്നാഴങ്ങളിൽ 

കൂട്ടമായ്‌ രമിച്ചീടുമീച്ചെറുജലജീവനങ്ങൾ 


നവജാതശിശുവിൻ കരച്ചിൽ കേൾക്കവേ 

കുളിരുകോരുന്നൊരാ മാതൃവാത്സല്ല്യഭാവവും 

വിടരുമാമാനന്ദവും ഹർഷാതിരേകവും 

നവമാസച്ചിപ്പിയിൻ പാടനീക്കി വന്നിടും 


അമലാമൂല്യഘനമേഘത്തുള്ളിയെ 

ആത്മസ്വാംശീകരിക്കും ശുക്തിസന്ദോഹവും 

ജീവധർമ്മം പകർന്നപോൽ വൃഷ്ടിമേഘങ്ങളും 

പാറിപ്പറന്നുപോം ചക്രവാതത്തള്ളലിൽ 



ഒറ്റമഴത്തുള്ളിയെ സ്ഫുടമാക്കീടുമാ   
പരമമാന്ത്രികം ചിപ്പിയിൽ വിളങ്ങവേ  

ആത്മരക്ഷാസ്രവം പാളികളാകുകിൽ 

നിർമ്മലമൗക്തികമാവിർഭവിച്ചിടുന്നു 


നിഗമാഗമസമൂഹം ഭാവനിറവിൽ 

ജ്ഞാനധർമ്മം നിറവേറ്റിടുമ്പോൾ 

പുണ്യമാം ഒറ്റമഴത്തുള്ളിയിൻ 

മുത്തായവതരിക്കും സരസ്വതീദേവിയും


ശ്രുതികൾ സീമന്തസിന്ദൂരം ചാർത്തിടും 

പ്രപഞ്ചാംബശക്തിയിൻ പാദാബ്ജധൂളിയിൽ  

മായാസൃഷ്ടിയാം പളുങ്കുമണിമുത്തെങ്കിലോ  

ജ്ഞാനാംബതന്നുടെ മൂക്കുത്തിമാത്രമാം 





Comments

Post a Comment

Popular posts from this blog

ഗുരു സീരീസ് - 5 | ശാന്തി മന്ത്രങ്ങൾ

-
Image
ഓം  ശാന്തിഃ, ശാന്തിഃ, ശാന്തിഃ  || ഓം ശ്രീ ഗുരുഭ്യോ നമഃ ||  സമാധാനത്തിനുള്ള പ്രാർത്ഥനകളാണ് ശാന്തി മന്ത്രങ്ങൾ. ഹിന്ദുമതത്തിലെ മതപരമായ ചടങ്ങുകളുടെയോ ആചാരങ്ങളുടെയോ തുടക്കത്തിലും അവസാനത്തിലും അവ പലപ്പോഴും പാരായണം ചെയ്യപ്പെടുന്നു. ശാന്തിമന്ത്രങ്ങൾ ഉപനിഷത്തുക്കളിൽ അടങ്ങിയവയാണ്.    ശാന്തി മന്ത്രങ്ങൾ ശരിയായ വിധത്തിൽ ചൊല്ലുമ്പോൾ അവിടെ പാരായണം ചെയ്യുന്നയാളുടെ മനസ്സിനെയും ചുറ്റുമുള്ള പരിസ്ഥിതിയെയും അവയിൽ നിന്നുയരുന്ന അനുരണനങ്ങൾ ശാന്തമാക്കും. “ശാന്തി” എന്ന വാക്ക് മൂന്നു പ്രാവശ്യം ചൊല്ലുന്നതിലൂടെയാണ് അവ അവസാനിക്കുന്നത്.  തടസ്സങ്ങൾ പ്രതീകാത്മകമായി നീക്കുന്നതിനും മൂന്ന് യാഥാർത്ഥ്യങ്ങളെ ശാന്തമാക്കുന്നതിനും ശാന്തി എന്ന പദം മൂന്ന് തവണ പാരായണം ചെയ്യുന്നു: 1) ഭൗതിക ശാന്തി  2) ദിവ്യ ശാന്തി അഥവാ ദൈവിക ശാന്തി  3) ആന്തരിക ശാന്തി  “സമാധാനം” എന്നർത്ഥമുള്ള ശാന്തി എന്ന സംസ്കൃത പദവും; “പ്രാർത്ഥന” അല്ലെങ്കിൽ “സ്തുതിഗീതം” എന്നർത്ഥം വരുന്ന മന്ത്രവും ചേർന്നാണ് ശാന്തി മന്ത്രം ഉണ്ടായത്.  യോഗയിൽ, ഒരു ലളിതമായ “ഓം ശാന്തി” അല്ലെങ്കിൽ “ഓം ശാന്തി, ശാന്തി, ശാന്തി” ഒരു അഭിവാദ്യം അല്ലെങ്കിൽ ശുഭാശംസയായി പാരായണം ചെയ്യാം. ഒപ്പം ശ്ര
Read more

ഗുരു സീരീസ് - 4 | തപസ്സ്

-
Image
തപസ്സ്—ശ്രമവും ശ്രമഫലവും  Picture curtesy- Sadguru @ Isha ഗുരു സീരീസിൽ മൂന്നാമത്തെ അധ്യായം എഴുതുമ്പോൾ എന്റെ പ്രിയ സുഹൃത്ത് അനീഷ് ആണ്: ഗുരു-ശിഷ്യ ബന്ധത്തിൽ തപസ്സ് എന്നൊരു പ്രധാന ഘടകത്തെക്കുറിച്ച് മനസ്സിലാക്കണം എന്നൊരു നിർദ്ദേശം അവതരിപ്പിച്ചത്. അദ്ദേഹം ആ വിഷയത്തെ എടുത്തുപറഞ്ഞത് എന്തുകൊണ്ടെന്നാൽ സാധാരണ വിശ്വാസികൾക്കിടയിൽ “തപസ്സ്" എന്ന വാക്കിന്  അഥവാ വിഷയത്തിന് ഒരുതരം അമാനുഷികമാനം കൊടുക്കപ്പെട്ടിട്ടുണ്ടോ എന്നൊരു ചിന്തയാണ് കാരണം.  നമ്മളെല്ലാം പല പുരാണകഥകളിലും കാണുന്നൊരു രംഗമാണ് “ഘോരതപസ്സ്". ഭക്തരായ സുരന്മാരും അസുരന്മാരും ആയിട്ടുള്ളവർ അവരവരുടെ ഇഷ്ടദേവതകളെ തപസുചെയ്ത് പ്രസാദിപ്പിച്ച് അവരെ തന്റെ മുന്നിൽ പ്രത്യക്ഷപ്പെടുത്തി തങ്ങൾക്ക് ആവശ്യമുള്ള വരം ആവശ്യപ്പെടുന്ന അനവധി കഥകൾ നമുക്ക് പരിചിതമാണ്. അത്തരം ഘോരതപസ്സുകൾ എല്ലാംതന്നെ മുമ്പുപറഞ്ഞ അമാനുഷിക തലങ്ങളിലാണ് അവസാനിച്ചിരുന്നത്. തങ്ങളുടെ താപസശിഷ്യരുടെ ഏതു വരങ്ങളെയും അനുവദിച്ചുകൊടുക്കേണ്ട സ്ഥിതിയിൽ ആണ് ഏതാണ്ട് എല്ലാ ഇഷ്ടദൈവങ്ങളും ചെന്നുപെട്ടത് എന്ന് നമുക്ക് വായിച്ചെടുക്കാം.  ഈ ഒരു ബ്ലോഗിൽ ചിന്തിച്ചെടുക്കാവുന്നൊരു ചെറിയ കാര്യമല്ല തപസ്സ്, എന്
Read more

ഭക്തി | നവഗ്രഹസ്തോത്രപഠനം

-
Image
ഓം ഗണേശ്വരായ നമഃ  നവഗ്രഹങ്ങൾ | NAVA GRAHAS ഒമ്പത് ജ്യോതിശാസ്ത്രമൂർത്തികൾ   നവഗ്രഹങ്ങൾ അഥവാ ഒമ്പത് ഗ്രഹങ്ങൾ ഭാരതീയ പുരാണത്തിലെ സുപ്രധാനമായ ഒരു സങ്കല്പമാണ്. ആളുകളുടെ ജീവിതത്തിൽ ജ്യോതിശാസ്ത്രപരമായി സ്വാധീനം ചെലുത്തുമെന്ന് വിശ്വസിക്കുന്ന ഈ ഗ്രഹങ്ങളെ ഒന്നിച്ച് അല്ലെങ്കിൽ വ്യക്തിഗതമായി വ്യത്യസ്‌ത ക്ഷേത്രങ്ങളിൽ ആരാധിക്കുന്നു.  പരമ്പരാഗതമായ പട്ടിക പിന്തുടരുമ്പോൾ നവഗ്രഹങ്ങൾ ഇപ്രകാരമാണ്:  രവി അഥവാ സൂര്യൻ, (Sun) സോമൻ അഥവാ ചന്ദ്രൻ, (Moon) കുജൻ അഥവാ ചൊവ്വ (മംഗള ഗ്രഹം), (Mars) ബുധൻ, (Mercury) ബൃഹസ്പതി അഥവാ വ്യാഴം (ഗുരു), (Jupiter) ശുക്രൻ, (Venus) ശനി, (Saturn) രാഹു, (Moon’s North node) കേതു. (Moon’s South node) ആഴ്ചയിലെ ഏഴു ദിവസവും ആദ്യത്തെ ഏഴു ഗ്രഹങ്ങളുടെ പേരുകളിൽ നിന്നാണ് ഉരുത്തിരിഞ്ഞത്. രാഹുവും കേതുവും ഗോളങ്ങളല്ല, മറിച്ച് ചന്ദ്രന്റെ ആരോഹണ, അവരോഹണ പർവ്വങ്ങളാണ് (ഇംഗ്ലീഷിൽ “നോഡ്സ്” എന്ന് പറയും). നവഗ്രഹസ്തോത്രം ഒമ്പത് ഗ്രഹങ്ങളുടെ സ്തുതിയാണ്. മറ്റൊരു വിധത്തിൽ പറഞ്ഞാൽ, ഗ്രഹങ്ങളെ പ്രീതിപ്പെടുത്താനും അവയെ ക്രിയാത്മകമായി സ്വാധീനിക്കാനും ഓരോ ഗ്രഹങ്ങളുടെയും മോശം ഫലങ്ങൾ കുറയ്ക്കാനും അവയെ ശാന്തമാക്കാനും സഹായം
Read more